Донецк әуежайы маңындағы Шахед қоймасына ATACMS пен соққы жасалды

Украина Қарулы күштері Донецк әуежайы маңында орналасқан «Шахед» дрондарын сақтау және іске қосу нүктесіне соққы жасады. Бұл туралы Украина Қарулы күштерінің Бас штабы хабарлады.

Мәліметке сәйкес, 7 наурыз күні Сухопут әскерлерінің Ракеталық әскерлері мен артиллерия бөлімшелері Әуе күштерімен бірлесіп, қарсыластың дрон базасына ATACMS және SCALP зымырандарымен соққы берген. Соққыдан кейін нысан аумағында ірі өрт және екінші реттік жарылыстар тіркелген.

Сонымен қатар, түнде Украина күштері қарсыластың тағы бірнеше нысанын нысанаға алған. Луганск облысының уақытша басып алынған Диброва ауданында дрондарды басқару пункті, ал Харьков облысының оккупацияланған бөлігіндегі Кругляковка маңында командалық-бақылау пункті зақымданған.

Бұдан бөлек, Харьков облысындағы Таволжанка, Донецк облысындағы Воскресенка мен Новопавловка аудандарында қарсыластың артиллериялық позицияларына соққы жасалған.

Украина Бас штабының мәліметінше, Запорожье облысындағы Новогригоровка, Железнодорожное, Донецк облысындағы Торское және Сумы облысындағы Сопыч аудандарында қарсыластың әскери күштері шоғырланған орындар да нысанаға алынған. Келтірілген шығын көлемі  әлі нақтыланып жатыр.