ЕАЭО аясындағы қаржылық кооперация механизмінің мүмкіндіктері қандай?

АСТАНА, 22 қазан — Sputnik. ЕЭК Өнеркәсіптік саясат департаменті директорының орынбасары Виталий Вовк ТМД Экономикалық даму іскерлік орталығының Инвестициялар және экономикалық даму комитетінің отырысында қаржылық кооперация механизмін таныстырды.

Іс-шарада ТМД және ЕАЭО елдеріндегі өнеркәсіптік интеграцияны дамытудың негізгі бағыттары, кооперация жобаларын қолдау құралдарын іс жүзінде қолдану, инвестиция тарту тетіктері, индустриялық инфрақұрылымды құруды ынталандыру мәселелері талқыланды.

"Өнеркәсіпті сапалы дамытудың тағы бір құралы еуразиялық технологиялық платформаларды қайта іске қосу және бизнес пен ғылыми бастамаларды байланыстыруға қызмет ететін еуразиялық құзырет орталықтарын қалыптастыру болуы мүмкін. Олар жобаларды жекелеген түрде емес, мемлекетаралық жобалық конвейер форматында әзірлейтін жағдай жасау қажет", - деді Вовк.

Виталий Вовктың айтуынша, механизм инновациялық өнеркәсіп өнімдерін шығаруға бағытталған ғылыми-зерттеу және тәжірибелік-конструкторлық жұмыстарды қаржыландыруды қарастырады.

"Сондай-ақ ТМД-дағы серіктестердің қатысуымен құрылған ЕАЭО елдерінің бірлескен кәсіпорындарының механизмге ерекше шарттармен қатысу мүмкіндігінің маңызы зор", - деді департамент директорының орынбасары.

Виталий Вовк мүше мемлекеттердің бизнесін қаржылық кооперация механизміне белсендірек қатысуға шақырды.