ЕАЭО мүше мемлекеттердің өнеркәсіп өндірісі соңғы 5 жылда 15% ке өсті

АЛМАТЫ, 29 мамыр – Sputnik. Еуразиялық экономикалық одаққа мүше мемлекеттердің өнеркәсіп өндірісі соңғы бес жылда шамамен 15%-ке өскен. Бұл туралы Еуразиялық экономикалық комиссия төрағасы Бақытжан Сағынтаев мәлімдеді.

Оның айтуынша, ауыл шаруашылығы өндірісі де 12,4%-ке артқан.

"Сонымен қатар 2023–2024 жылдары жалпы ішкі өнімнің өсімі әлемдік орташа көрсеткіштен жоғары деңгейге шықты. Негізгі капиталға салынған инвестициялардың нақты көлемі 35,8%-ке өсті", - деді Сағынтаев.

Оның айтуынша, өзара тауар саудасының көлемі 79,8%-ке айтарлықтай артқан. Ал ұлттық валюталармен есеп айырысу үлесі 93%-тен асқан.