Екі дүркін чемпионның алғашқы айқасы айқын басымдықпен бітті

Батыс Қазақстан облысының боксшысы Даниял Сабит Семейде басталған ел чемпионатында алғашқы жекпе-жегін өткізді, деп хабарлайды Vesti.kz.

50 келіге дейінгі салмақ дәрежесінде ол Астана қаласының боксшысы Ринат Мақсұтовпен кездесіп, үш раунд бойы айқын басымдық көрсетіп, төрешілер шешімімен (5:0) жеңіске жетті.

Даниял Сабит – бокстан екі дүркін Қазақстан чемпионы, сондай-ақ 2021 жылғы Азия чемпионатының күміс жүлдегері. 2025 жылғы маусымда ол ұлттық құрама сапында Нидерландының Эйндховен қаласында өткен беделді Eindhoven Box Cup халықаралық турнирінде алтын жеңіп алған.

Қазақстан чемпионаты 21 қазанға дейін жалғасады. Турнир қорытындысы бойынша 2026 жылға арналған жаңа ұлттық құрама жасақталады.

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport