Елде 1,7 млн оқушы тегін тамақпен қамтылды

Елде 1 млн 700 мың бастауыш сынып оқушысы тегін тамақпен қамтылды. Ал мектепке дейінгі ұйымдарда 99 мың бүлдіршінге тегін тамақ беріледі.

Қыркүйектен бастап білім беру мекемелерінде көкөністер, жемістер мен сүт өнімдерін тұтынуды арттыруды көздейтін жаңа Тамақтану стандарты енгізілді. Одан бөлек өңірлерде 20 психологиялық қолдау орталығы 23 мыңнан астам адамға көмек көрсетті. Білім ошақтарында «111» байланыс қызметінің QR-кодтары орналастырылған. Жыл басынан бері 90 мыңнан астам оқушыға жәрдем берілді. Жобаға бюджеттен 1,5 млрд теңге бөлінді. Қорғаншылық органдары мамандарының саны 303-тен 1 006 адамға дейін артты. «Ұлттық қор – балаларға» жобасы аясында кәмелетке толмаған 7 млн-ға жуық балаға көмек қаражаты аударылды. 186 мыңнан астам азамат жиналған қаржыны тұрғын үй алу немесе оқу ақысын төлеу мақсатында пайдалануға өтінім берген.