Елде 400 мың жұмысшы маманға сұраныс бар

Сарапшылардың болжамы бойынша, елде алдағы 6 жылда 1 млн 600 мың кадрға сұраныс болады.

Атап айтқанда, 900 мыңға жуығы кәсіптік-техникалық білімі бар қызметкерлер, 400 мыңнан астамы жұмысшы мамандық иелері қажет. Жұмысшы мамандарға әсіресе құрылыс, ауыл шаруашылығы, өңдеу өнеркәсібі және денсаулық сақтау салаларында сұраныс көбірек. Мәселен, дәнекерлеушілер, сылақшылар, тракторшылар, фермерлер, слесарь-лар, фельдшерлер тапшы, - делінген Еңбек министрлігі таратқан хабарламада.

Жұмысшылардың айлығы қанша?

Ұлттық статистика бюросы ұсынған дерекке көз салайық: Жылдың 2-тоқсанында Тау-кен өндіру өнеркәсібі және карьерлерді қазу саласында орташа айлық 880 мың теңгеден асқан. Өнеркәсіпте 604 мың теңге, өңдеу өнеркәсібінде 522 мың теңге, көлік саласында 589 мың теңгеден асқан. Құрылысшылар орта есеппен 490 мың теңге айлық алады, - деп көрсетілген статистика мәліметінде. Айтпақшы, Еңбек министрлігі кейінгі 4 жылда жұмысшы мамандық иелерінің жалақысы 2 есе артқанын хабарлады.

2025 жыл II тоқсан. Орташа айлық жалақы

Тау-кен өндіру өнеркәсібі - ₸ 888 903

Өнеркәсіп - ₸ 604 668

Өңдеу өнеркәсібі - ₸ 522 905

Көлік және сұрыптау - ₸ 589 778

Құрылыс - ₸ 490 216

Бағлан Қасенов, ҚР ЕХӘҚМ Еңбек және әлеуметтік әріптестік департаменті директорының орынбасары:

- 2022-2025 жылдар аралығында төмен жалақы алатын қызметшілердің оның ішінде жұмысшы мамандықтардың жалақылары 2 есеге артты. Айта кететін болсақ, дәрекерлеушілер, аула тазалаушылар деген сияқты жұмыс істейтін азаматтар. Жалақылары соңғы 4 жылда екі есеге арттырдық. Өңірлерде қазір ярмарка вакансийлар өтіп жатыр жұмыс беруші мамандықтарға жұмыс орындары ұсынылып жатыр.