Елімізде астық экспортын қолдауға 7 млрд теңге бөлінді

Қаражат тасымалдау шығындарын субсидиялауға бағытталады. Үкіметтің мәліметінше, биылғы мол өнім мен астыққа сұраныстың артуы қосымша қаржыландыруды қажет етіп отыр. 

Қаражат астық экспортының жаңа бағыттарын ашып, өзге де баламалы маршруттар арқылы сыртқы нарыққа сату көлемін ұлғайтуға мүмкіндік берді. Бүгінде 2,5 млн тоннадан астам астық жаңа және қайта қалпына келтірілген нарықтарға жеткізілді. Еске салайын, субсидиялау бағдарламасы 2026 жылға дейін ұзартылды, оның жылдық қаржыландыру көлемі кемінде 30 млрд теңгені құрайды.