Елорда шетіндегі құрылысқа 2035 жылға дейін шектеу қойылуы мүмкін

Астана қаласының мәслихаты қала шетіндегі кейбір аумақтарда жер телімдерін беруге және көпқабатты тұрғын үйлер салуға уақытша тыйым енгізуді ұсынып отыр.
Бұл бастама қазір «Ашық нормативтік құжаттар» порталында жарияланып, 2026 жылғы 9 наурызға дейін қоғамдық талқылауда болады.

Жобаға сәйкес, бас жоспармен қамтылмаған, сондай-ақ магистральді инженерлік желілер мен әлеуметтік инфрақұрылымы жоқ аумақтардан жер беру 2035 жылға дейін шектелуі мүмкін. Сонымен бірге, бірқатар бағыттарда тұрғын үй құрылысына да уақытша тыйым салу қарастырылған.

Атап айтқанда, шектеу К-1 айналма жолының солтүстік және солтүстік-шығыс бөліктерінде, Өндіріс тасжолы мен Алаш тасжолы бойында, сондай-ақ айналма жолдың шығыс бөлігіндегі Астана – Қарағанды тасжолы маңында енгізілуі ықтимал.

Құжат жобасы талқылау нәтижесіне қарай қабылдануы мүмкін.