Елордада Таза бейсенбі акциясы жалғасуда

 «AMANAT» партиясының бастамасымен Есіл ауданындағы 5 мектепке 50 түптен, барлығы 250 ағаш табысталды.

Игі іс «Таза бейсенбі» экологиялық акциясы аясында жүзеге асырылды.  Айта кетейік, жалпы Есіл ауданы бойынша 120 мың ағаш отырғызылды. Ұйымдастырушылардың айтуынша, бұл бастама ауданның экологиялық жағдайын жақсартып, жасыл аймақ санын арттыруға бағытталған. 

Гүлназ Жарылқапова, №108 жалпы орта білім беру мектебінің директоры:

- Бұл ағаштарды ұстаздар күніне Есіл әкімдігі мен «AMANAT» партиясының атынан 50 ағаш берілген болатын. Республика күніне орай ағаш отырғызылып жатыр. Ағаш отырғызуға 11-10-сынып оқушылары ат салысты.

Санира Жусупова, Есіл ауданы бойынша «AMANAТ» партиясы филиалының төрағасы:

- «Таза Қазақстан» - тек ағаш отырғызу, ауланы жинау емес. Бүгінгі таңда ол экологиялық мәдениет.  Біз экополициялармен жұмыс жасадық. 10 айдың ішінде біз 22 экополициямен экологиялық рейд жасадық.