Енді тек онлайн ХҚКО лар танымал қызметке өтініш қабылдауды тоқтатты

12 шілдеден бастап жер учаскелеріне мемлекеттік актілерді беру бойынша мемлекеттік қызмет Халыққа қызмет көрсету орталықтарында (ХҚО) көрсетілмейді. Мемлекеттік актіні алуға өтінімді енді тек eGov.kz порталы арқылы беруге болады, деп хабарлайды Tengrinews.kz "Ұлттық ақпараттық технологиялар" АҚ-ға сілтеме жасап.

Қызметті алу үшін пайдаланушы eGov.kz порталында тіркелуі, жер учаскесіне мемлекеттік акт беру қызметін таңдауы, қажетті мәліметтерді толтыруы және электрондық сәйкестендірудің қолжетімді әдістерінің бірімен өтінішке қол қоюы қажет. Өтініш қаралғаннан кейін нәтиже пайдаланушының жеке кабинетінде қолжетімді болады.

Мемлекеттік қызметті алу тәртібі туралы қосымша ақпарат eGov.kz порталындағы қызмет паспортында орналастырылған.

"Бұрын жер учаскесіне мемлекеттік акт алу үшін азаматтар ХҚО-ға жеке өзі келуі қажет болатын. Бүгінде мұндай қажеттілік іс жүзінде жоқ, өйткені өтініштердің 96 пайызы онлайн форматта беріледі, ал 12 шілдеден бастап бұл процесс толығымен цифрлық форматқа көшірілді. Енді eGov.kz порталында өтінім беріп, оған ЭЦҚ арқылы қол қою және дайын құжатты жеке кабинеттен алу жеткілікті", - деп атап өтті Жасанды интеллект және цифрлық даму бірінші вице-министрі Ростислав Коняшкин.

Шенеуніктің айтуынша, ең көп сұранысқа ие ТОП-10 мемлекеттік қызметті цифрландыру осыған ұқсас принцип бойынша жүргізіліп жатыр. Нәтижесінде ХҚО операторларына түсетін жүктеме үштен бірге жуық азайып, жүз мыңдаған азаматқа ХҚО-ға бармай-ақ және кезек күтпей-ақ мемлекеттік қызметтерді тезірек алуға мүмкіндік берді.

Бүгінгі таңда мынадай қызметтер автоматтандырылып, онлайн қолжетімді:

жылжымайтын мүлікке техникалық паспорт және кадастрлық паспорттың телнұсқасын беру; ЭЦҚ беру; тұрғылықты жері бойынша тіркеу; жүргізуші куәліктерін беру; еңбек иммигранттарына рұқсат беру және оны ұзарту, сондай-ақ басқа да қызметтер.

Сонымен қатар егер азаматта қызметті онлайн алу үшін қажетті жағдайлар болмаса, ол ХҚО-дағы өзіне-өзі қызмет көрсету аймақтарын пайдаланып, мемлекеттік қызметті өз бетінше рәсімдей алады.

ҚАЗІР ТАЛҚЫЛАНЫП ЖАТЫР

10 күнде 760 келі есірткі: ІІМ ауқымды операцияның мән-жайын ашты

Бүгін 08:56 1

Google News арқылы жаңалықтарымызды қадағалаңыз

Жазылу