Ербол Мырзабосынов: Әкімдіктер орнаттық деген дәретхананың көбі жабық болып шықты

- Кей жерлерде абаттандыруға қатысты ұйымдастырушылық сипаттағы мәселелер де бар. Дәретханалар мен қоқыс контейнерлерінің болмауы да осыған жатады. Жағажай аймақтары көбінесе жабдықталмаған және аймақтарға бөлінбеген, мұндай жағдай барлық өңірге қатысты болып тұр, - деді ол.

Министрдің айтуынша, әкімдіктер берген мәлімет пен шынайы жағдай екі бөлек болатын жайттар жиілеген.

- Өңірлер бұл мәселенің шешілгені және жалпы саны 60 санитарлық-гигиеналық тораптың орнатылғаны туралы есеп берді. Алайда қайта тексерген кезде олардың көбі жабық болды және желілерге қосылмаған екен, - деді Ербол Мырзабосынов.

Айта кетейік, бүгінгі Үкімет отырысында туризмді дамыту мәселелері қаралып жатыр.