Ерлан Қарин Жалпыұлттық коалиция мүшелерімен бірге Қостанай облысына барды

Мемлекеттік кеңесші Ерлан Қарин «Әділетті және Прогрессивті Қазақстанның Халықтық Конституциясы үшін!» Жалпыұлттық коалициясының мүшелерімен бірге Қостанай облысына барып, өңір жұртшылығымен бірқатар кездесу өткізді, деп хабарлайды Egemen.kz. 

Мемлекеттік кеңесшімен бірге өңірге Жалпыұлттық коалицияның мүшелері, Парламент Мәжілісінің депутаттары – Снежанна Имашева, Еркін Әбіл, Айдарбек Қожаназаров, Қазақстан халқы Ассамблеясы Төрағасының орынбасары Марат Әзілханов, Президент Телерадиокешенінің директоры Раушан Қажыбаева, продюсер Алмас Жали, Uni-Q Group медиахолдингінің бас директоры Мұхамедқали Тауан барды.

Өңірге сапар этномәдени бірлестіктердің өкілдерімен кездесуден басталды. Мемлекеттік кеңесші Ерлан Қарин Жаңа Конституция тек құқықтық құжат қана емес, сонымен қатар мүдделер теңгерімін, ынтымақтастықты, өзара құрметті және ел болашағына ортақ жауапкершілік құндылықтарын бекітетін қоғамдық келісім екенін атап өтті. Ол «Бірлігіміз – әралуандықта» қағидаты қоғамның тұтастығын нығайтатынын мәлімдеді.

Мәжіліс депутаттары Снежанна Имашева мен Еркін Әбіл институционалдық жаңғырту тетіктері және дербестікті қорғау мәселелері туралы айтып, ұсынылып отырған өзгерістер азаматтардың шешім қабылдауға қатысуын күшейтетінін, мемлекет пен қоғам арасындағы өзара іс-қимылдың әлеуметтік әділетті моделін қалыптастыратынын жеткізді.

Қазақстан халқы Ассамблеясы Төрағасының орынбасары Марат Әзілханов пен этномәдени бірлестіктердің өкілдері Халық Кеңесінің этносаралық және конфессияаралық диалог алаңы, тең мүмкіндіктерді қолдау және қоғамдық келісімді нығайту құралы ретіндегі рөлін атап өтті.

Сапар барысындағы басты оқиға – облыс активімен кездесу. Іс-шараға шамамен 300 адам – қоғам қайраткерлері, диқандар, өнеркәсіп саласының мамандары, әлеуметтік сала қызметкерлері, ғылыми және шығармашылық зиялы қауым өкілдері, спортшылар, сондай-ақ жастар қауымы қатысты.

Мемлекеттік кеңесші Ерлан Қарин Конституция жобасын әзірлеу барысына жан-жақты тоқталды. Оның айтуынша, референдум Жаңа Конституция жобасын жарты жылдан астам уақыт бойы кең көлемде қоғамдық талқылаудың заңды қорытындысына айналады. Жаңа Ата Заң мемлекет пен қоғамның өзара тиімді іс-қимылына негізделген мемлекеттік-саяси құрылыстың заманауи моделіне түбегейлі көшуді білдіреді.

Мәжіліс депутаттары Снежанна Имашева мен Айдарбек Қожаназаров жоба билік институттарының өкілеттіктері мен жауапкершілігі арасындағы тепе-теңдікті бекітетінін, сондай-ақ экономиканы, инновацияларды дамытуға және инвестициялар тартуға жағдай жасайтынын атап өтті.

Қостанай автомобиль көлігі колледжінің директоры Дмитрий Павленко еңбек, білім, ғылым және инновация құндылықтарының бекітілуі жастардың кәсіби тұрғыда өсуіне және заманауи экономиканың дамуына қажет берік негіз қалайтынын мәлімдеді.

Сапар барысында делегация «Agromash» және «Allur» зауыттарының жас мамандарымен кездесті. Мемлекеттік кеңесші Ерлан Қарин адами капиталдың, білімнің, ғылымның және азаматтардың еңбектегі жетістіктерінің басымдығына тоқталды. Коалиция мүшелері жоба әлеуметтік әділдікті күшейтуге, жұмыспен қамтуды қолдауға және кәсіпкерлікті дамытуға бағытталғанын айтты. Жас мамандар Конституцияны салаға қажет тұрақты жағдайды қалыптастыратын әрі кәсіби тұрғыда өсуге мүмкіндік беретін құрал ретінде бағалайтындарын жеткізді.

Өңірде креативті жастардың өкілдерімен де кездесу өтті. Спикерлер білім, ғылым, мәдениет және инновацияларды мемлекеттің стратегиялық басымдығы ретінде бекіту, сондай-ақ зияткерлік меншікті құқықтық тұрғыда қорғау мәселелерін талқылады.

Референдум-2026: Шетелдегі дауыс беру учаскелерінің тізімі жарияланды

Жалпы алғанда, өңірдегі сапар аясындағы кездесулер қоғамның 2026 жылы 15 наурызда өтетін референдумға қатысуға деген жоғары қызығушылығы бар екенін көрсетті.

 Референдум: Дауыс беру учаскесін қайдан білуге болады?

Соңғы жаңалықтар

Project Silica: Ақпаратты 10 мың жыл сақтайтын шыны

Қоғам • Бүгін, 23:52

Ерлан Қарин Жалпыұлттық коалиция мүшелерімен бірге Қостанай облысына барды

Ата заң • Кеше

Ғарыштағы қызанақ

Қоғам • Кеше

Атыраудағы Алғабас ауылынан 5 шақырым қашықта қамыс жанып жатыр

Оқиға • Кеше

Астанада бір қабатты автосервистің ғимаратынан өрт шықты

Елорда • Кеше

41 градус аяз: Еліміздің бірнеше өңірінде дауылды ескерту жарияланды

Ауа райы • Кеше

Атырау қаласын шаңды дауыл басып тұр

Аймақтар • Кеше

Парламент депутаттары қылмыстық қауіп-қатерді болжау жүйесінің тиімділігін талқылады

Ата заң • Кеше

Оралда Жалпыұлттық коалиция мүшелері БҚО медицина қызметкерлерімен жаңа Конституция жобасын талқылады

Ата заң • Кеше

Жалпыұлттық коалиция мүшелері Батыс Қазақстан машина жасау зауытының еңбек ұжымымен Жаңа Конституция жобасын талқылады

Ата заң • Кеше

Берік Асылов: «Заң мен тәртіп» қағидаты жаңа Конституция жобасында іргелі құндылыққа айналады

Ата заң • Кеше

Ризабек Айтмұхан Албаниядағы турнирде қола медаль жеңіп алды

Күрес • Кеше

Аида Балаева: Жаңа Конституция жобасында мемлекеттік саясаттың негізі адам және оның әлеуеті екені айқын көрсетілген

Ата заң • Кеше

«Көктем-2026» республикалық командалық-штабтық оқу-жаттығуы өткізілді

Қоғам • Кеше

Алматыда LRT қашан іске қосылатыны белгілі болды

Қоғам • Кеше

Барлық жаңалықтар