​ Ешкім ұмытылмасын : энтузиаст соғыс жауынгерлерінің есімдерін қайта жаңғыртты

Атырауда Ұлы Отан соғысы жылдарында Гурьевтегі (қазіргі Атырау) госпитальдарда жараланып, аурудан көз жұмған 64 жауынгердің есімі христиан зиратындағы мемориалдық тақтаға жазылды. 

Бұл игі іске этномәдени бірлестік «Былина» төрағасы Андрей Кораблёв мұрындық болды. Ол кейінірек билік пен демеушілердің қолдауына үміттеніп, олардың есімін мәңгілікке қалдыруды, сондай-ақ Атыраудағы барлық әскери зираттарды ретке келтіруді көздеді. Алайда, өкінішке қарай, Жеңістің мерейтойлық жылында да мұндай қолдау табылмады.

Энтузиаст бұған дейін де өз қаражатына балық консерві комбинаты маңындағы бұрынғы бейіт орнында шағын ескерткіш тақта орнатқан болатын. Ол – соғыс кезінде ең көп жауынгер жерленген орындардың бірі.

Өткен аптада Кораблёв христиан зиратындағы бауырластар қабірі жанындағы бос гранит тақтаға 64 есімді қашатып жаздырды. Ал «Ассамблея жастары» ұйымының мүшелері мемориалды сырлап, айналасын тазалап шыққан.

Бұл бастама — соғыс жылдарында Гурьев жерінде ажал тапқан жауынгерлердің рухына тағзым, ұмытылмас ерліктің белгісі.

— «Ешкім ұмытылмасын, ешнәрсе ұмытылмасын» деген сөздер құр ұран болып қалмаса екен. Бұл – әсіресе өскелең ұрпақ үшін маңызды», — дейді А. Кораблев.

Лев ГУЗИКОВ

«Былина» ЭМБ ұсынды

Бүгін, 17:06