Фото үшін жолдың жүру бөлігіне жатты: Семейдегі түсірілім немен аяқталды

Семейде полицейлер көлік көпірінің қозғалыс бөлігінде түнгі фотосессия ұйымдастырған әйелді әкімшілік жауапкершілікке тартты, деп хабарлайды Tengrinews.kz тілшісі.

Видео әлеуметтік желіде жарияланып, қолданушылардың алаңдаушылығын тудырды. Кадрлардан қара көзілдірік таққан әйелдің түнде жолдың қозғалыс бөлігіне жатып алып, камераға қарап суретке түскені көрінеді. Оның жанынан көліктер өтіп жатыр.

Видео астындағы пікірлерде көптеген қолданушы мұндай әрекет қауіпті әрі қайғылы жағдайға әкеп соғуы мүмкін екенін жазды. Жазылушылардың бірі TikTok үшін бейнеролик түсіріп, жолда жатқан жас жігітті қағып кете жаздағанын айтты. Басқалары әлеуметтік желідегі қаралым үшін мұндай қауіпке барудың қажеті жоқ екенін атап өтті. Көбі пікірлерде облыстық полиция департаменті аккаунтын белгіледі. Кейін ведомство видеоға түсіп қалған әйелдің жеке басы анықталғанын хабарлады.

"Бейнежазбада Ақтөбе облысының 35 жастағы тұрғыны. Әйелге қатысты жаяу жүргіншілердің және жол қозғалысының өзге де қатысушыларының жол жүрісі қағидаларын бұзғаны үшін әкімшілік хаттама толтырылды", - деп хабарлады Абай облыстық полиция департаментінің баспасөз қызметі.

Мұндай құқықбұзушылық үшін 2 АЕК (8650 теңге) мөлшерінде айыппұл қарастырылған.

Полиция мұндай түсірілімдер қауіпті екенін ескертті. Түнгі уақытта жүргізуші жолдағы адамды тым кеш байқап, тежегішті асып үлгермеуі мүмкін.

"Әлеуметтік желілердегі әсерлі кадрлар мен қаралым үшін өз өміріңізді қатерге тігудің қажеті жоқ. Ешбір видео мұндай салдарға татымайды", - деп атап өтті Абай облыстық полиция департаменті.

Бәйтерек маңындағы ерсі сурет - студент қандай жаза алды?

ҚАЗІР ТАЛҚЫЛАНЫП ЖАТЫР

10 күнде 760 келі есірткі: ІІМ ауқымды операцияның мән-жайын ашты

Бүгін 08:56 1

Биыл мамырда Астана соты елорданың басты көрікті жерлерінің бірінде ерсі фотосессия ұйымдастырған студенттің ісін қарады.

Әлеуметтік желілерде жас жігіттің "Бәйтерек" монументі алдында жерде жатып, ерсі әрекет көрсеткен кадрлары тараған болатын.

Желі қолданушылары қазақстандықтың бұл әрекетін құрметсіздік деп санап, наразылық білдірді. Сотта ол кінәсін толық мойындап, істеген ісіне өкінетінін айтты. Соған қарамастан, сот оған 5 тәулік қамауға алу жазасын тағайындады.

Google News арқылы жаңалықтарымызды қадағалаңыз