Футбол халық ойыны болуы керек: Дюгарри әлем чемпионатын сынға алды

Фото: Conmebol

Дюгарри сондай-ақ сомалилік төрешіге қатысты даулы жағдайға да пікір білдірді.

«Төрешіні тек сомалилік болғаны үшін шеттетуде нәсілшілдіктің айқын белгісі бар. Бұл мені алаңдатады. Футбол мұндай болмауы керек. Бұл мүлде басқа нәрсе. Футбол – халықтық спорт. Ал билет бағаларына келсек, олар шектен тыс қымбат. Болып жатқан барлық жағдайлар үшін, менің сүйікті спортымның қандай күйге түскені үшін қатты ұяламын. 10 жасымнан бастап әр төрт жыл сайын әлем чемпионатын асыға күтетінмін. Ал қазір кейбір елдерге басқаша көзқарас танытылатын нәсілшілдіктің шырайын байқап отырмын», деп келтіреді оның сөзін RMC Sport басылымы.

Әлем чемпионының айтуынша, мұның бәрі оған жайсыздық тудырады.

«Мен әзірге бұл чемпионатты масқара әлем чемпионаты деп атағым келмейді. Бірақ бұған дейін көрген және менің жиіркенішімді тудырған жағдайлардың қайталанбауына үміттенемін», деп ойын түйіндеді.

Бұған дейін АҚШ Мемлекеттік департаментінің өкілдерінің бірі төрешінің «террористік ұйымдардың болжамды мүшелерімен байланысы бар, сондықтан оған АҚШ аумағына кіруге рұқсат берілмейді» деп мәлімдеген болатын.

Еске салсақ, Омар Абдулкадир Артан әлем чемпионатының финалдық кезеңіне қызмет көрсететін төрешілер тізіміне енген алғашқы сомалилік арбитр болды. 2025 жылы ол Африка футбол конфедерациясы нұсқасы бойынша құрлықтың үздік төрешісі атанды.

Футболдан әлем чемпионаты-2026: Ойындардың толық кестесі мен уақыты

Сонымен қатар, Сомали АҚШ визасын алуға қатысты шектеулер қолданылатын елдердің қатарына кіреді. Дегенмен дипломаттар мен АҚШ мүдделеріне сай келетін жекелеген сапарлар үшін ерекше жағдайлар қарастырылған.