Германия Украинаға қаржылай көмекті 450 миллион еуроға дейін арттырды

Германия Украинаға энергетикалық көмек көлемін 450 миллион еуроға дейін көбейтеді. Бұл туралы елдің энергетика министрі Катерини Райхе мәлімдеді, – деп хабарлайды Aikyn.kz

РБК-Украина басылымының хабарлауынша, Германия бұған дейін 390 миллион еуро аударып, жазда қосымша 30 миллион еуро бөлу туралы келісім жасалған.

«Бүгін тағы 30 миллион еуро қосымша инвестиция салатынымызды хабарлаймын. Осылайша, барлығы 450 миллион еуро көлемінде көмек көрсетеміз», — деді Райхе.

Оның айтуынша, бұл қаражат Украина энергетикалық жүйесін қыс мезгілінде қолдауға және қажетті техникалық жабдықтарды сатып алуға жұмсалады.

«Бұл ақша тиімді әрі мақсатты жұмсалады. Бұл сома — Украина энергетикасын қолдауға арналған қордың шамамен үштен бір бөлігі», — деп атап өтті министр.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз