​Грузия соты Саакашвили партиясына тыйым салу туралы шағымды тіркеді

Грузияның билеуші партиясы «Грузин арманы» Конституциялық сотқа үш оппозициялық партияға, соның ішінде экс-президент Михаил Саакашвилидің «Біртұтас ұлттық қозғалысына» тыйым салу туралы шағым түсірді. Бұл өтінішке парламенттің 88 депутаты қол қойған, деп хабарлайды Коммерсантъ.

Шағымның негізі — парламенттік тергеу комиссиясының қорытындылары. Комиссия Саакашвилидің билігі кезеңінде (2004–2012 жж.) жүйелі адам құқықтарының бұзылғанын және кейіннен оның қозғалысының «құлатушылық қызметін» анықтаған. Конституциялық сот 9 ай ішінде арызды қарауы керек.

Бұған дейін парламент спикері Шалва Папуашвили тыйым нақты саясаткерлерге қолданылмайтынын атап өткен. Парламент қабылдаған заңда Конституцияға қайшы деп танылған партия мүшелеріне саяси қызметпен айналысуға өмір бойына тыйым салу қарастырылған.

Бүгін, 13:56