Халықтың елдегі жағдайға көңілі тола ма?

2025 жылдың соңына қарай қазақстандықтардың елдегі жағдайға көзқарасы оң бағытта сақталған. Алайда халықтың көңіл күйі ең алдымен күнделікті тұрмысқа, баға мен табысқа байланысты өзгеріп отырады. Мұны Еуразиялық интеграция институты жүргізген зерттеу көрсетіп отыр, деп жазады Egemen.kz.

2025 жылғы 1-10 қараша аралығында Еуразиялық интеграция институты елдегі қоғамдық көңіл-күй мен саяси ахуалды бағалауға арналған сауалнама өткізді. Зерттеу 17 облыс пен республикалық маңызы бар үш қаланы қамтыды. Қалалық және ауылдық жерлерде тұратын 18 жастан асқан 1 467 адаммен бетпе-бет сұхбат жүргізілген.

Зерттеу нәтижесі Мемлекет басшысының жұмысына халықтың басым бөлігі оң баға беретінін көрсетті. Сауалнамаға қатысқандардың 78,5 пайызы Президенттің соңғы үш айдағы қызметін тиімді деп есептейді. Ал 71,5 пайызы Қасым-Жомарт Тоқаевтың жақын уақытта елдегі жағдайды жақсартуға мүмкіндігі бар екенін айтқан. Егер президент сайлауы қазір өтсе, респонденттердің 77,3 пайызы қазіргі Мемлекет басшысына дауыс беруге дайын екенін білдірген.

Қоғамдық-саяси ақпаратқа қызығушылық та бар. Азаматтардың 52 пайызы елдегі саяси және экономикалық жаңалықтарды үнемі бақылап отырады. Ақпаратты қайдан алады дегенде, теледидар мен әлеуметтік желілер қатар аталады. Теледидарды 52,7 пайыз пайдаланса, Instagram-ды 51,2 пайыз қолданады. TikTok, WhatsApp, жаңалық сайттары мен YouTube те кең таралған.

Сонымен бірге адамдар бір-бірінен де ақпарат алады. Елде не болып жатқанын респонденттердің шамамен бестен бірі туыстарынан, достарынан, әріптестерінен естиді. Бұл ресми ақпаратпен қатар ауызша пікір алмасудың да маңызы бар екенін аңғартады.

Ал сенім мәселесіне келгенде жағдай өзгеше. Ақпарат көзі ретінде ең көп сенім мемлекеттік республикалық телеарналарға тиесілі. Респонденттердің 41,8 пайызы осы арналарға сенетінін айтқан. Әлеуметтік желілер күнделікті қолданыста алда тұрғанымен, сенім деңгейі жағынан теледидардан кейін орналасады. Бұл халықтың ресми ақпаратты дәстүрлі арналардан алғанды жөн көретінін көрсетеді.

Өңірлердегі қоғамдық-саяси жағдай да негізінен тыныш деп бағаланған. Сауалнамаға қатысқандардың 87,3 пайызы өз аймағындағы ахуалды тұрақты деп есептейді. Тек 9,7 пайызы жағдайды шиеленіскен деп санайды, ал «өте күрделі» деген пікірді айтқандар бір пайыздан да аз.

Экономикалық жағдайға келгенде баға біршама сақ. Азаматтардың 75,4 пайызы өз өңіріндегі экономиканың қазіргі жай-күйін оң бағалайды. Дегенмен әр бесінші респондент жағдайды қиын деп есептейді. Бұған негізінен азық-түлік бағасының өсуі мен инфляцияға қатысты алаңдаушылық себеп болып отыр. Яғни халықтың көңіл күйі ең алдымен күнделікті шығын мен табысқа байланысты өзгеретінін байқауға болады.

Саяси партияларды тану деңгейінде Amanat партиясы алда келеді. Оны респонденттердің 62,4 пайызы біледі. Одан кейін «Ақ жол» мен «Ауыл» партиялары аталады. Қалған партиялардың танылу деңгейі төменірек. Бұл халықтың партияларға қызығушылығы біркелкі емес екенін көрсетеді.

Жалпы зерттеу нәтижесі қоғамда тұрақтылыққа деген сұраныс жоғары екенін аңғартады. Халық елдегі саяси жағдайды тыныш деп қабылдайды. Мемлекет басшысының жұмысына оң көзқарас бар. Бірақ баға өсімі мен тұрмыстық мәселелер қоғамдық көңіл күйге тікелей әсер ететін негізгі фактор болып қала береді.

Соңғы жаңалықтар

Әлеуметтік нысандар халыққа қолжетімді болуға тиіс

Президент • Кеше

Қасым-Жомарт Тоқаев: Құрылыс компанияларының жауапкершілігін күшейту қажет

Президент • Кеше

Президент: Мемлекеттің табанды жұмысы арқылы елордаға газ құбыры тартылды

Инфрақұрылым • Кеше

Алматыда үлкен айналма метро желісі мен LRT іске қосылуы мүмкін

Алматы • Кеше

Қозыбаев атындағы университет жыл өткен сайын жаңғырып жатыр

Ғылым • Кеше

Атырау көшелеріне майдангерлер мен полицейлердің есімі берілді

Қоғам • Кеше

Мал іздеп шыққан ер адамның денесі табылды

Қоғам • Кеше

Астанада музейлердің бірыңғай цифрлық жүйесі – E-museum порталы таныстырылды

Мәдениет • Кеше

Биыл Қарулы Күштерде 60 мыңнан астам жауынгерлік даярлық іс-шарасы өтті

Әскер • Кеше

Абайлықтар баспаналы болды

Аймақтар • Кеше

Тасашылықтардың қуанышын тасытты

Құрылыс • Кеше

Қасым-Жомарт Тоқаев: Астанада үш ауысыммен оқытатын мектеп қалған жоқ

Президент • Кеше

Қасым-Жомарт Тоқаевтың АҚШ-пен стратегиялық диалогы: Қазақстанның халықаралық беделінің жаңа кезеңі

Сұхбат • Кеше

Президент Инклюзивті спорт орталығын аралап көрді

Президент • Кеше

Астанадағы Қабанбай батыр даңғылында екі деңгейлі жол салынуы мүмкін

Елорда • Кеше

Барлық жаңалықтар