Индонезияда жер сілкінісі салдарынан алып шұңқыр пайда болды

Antara News хабарлауынша, Индонезияның Ұлттық зерттеу және инновациялар агенттігі (BRIN) орталық Ачех ауданының бір ауылында шұңқыр пайда болған жерде зерттеулер жүргізіп жатыр.

Мәлімдемеде көрсетілгендей, 30 мың шаршы метрден асатын және тереңдігі 100 метрге жететін шұңқыр көшкін салдарынан пайда болған.

Бастапқыда кішігірім ойыс болған бұл жер уақыт өте келе эрозия мен топырақ жылжуы нәтижесінде кеңейіп, тереңдеп, алып өлшемге жеткен.

Сонымен қатар, сейсмикалық белсенділіктің бұл процестің дамуына ықпал еткені атап өтілді: атап айтқанда, 2013 жылы Орталық Ачехте болған 6,2 магнитудалы жер сілкінісі топырақтың тұрақсыздығын күшейтіп, құрылымын әлсіретуі мүмкін деген болжам бар.

Бұдан бұрын Атырау маңында тереңдігі 10 метр шұңқыр пайда болғанын жазғанбыз.