Иран Вашингтонмен келіссөз туралы мәлімдеме жасады

Иран Америка Құрама Штаттарымен келіссөз жүргізбейді. Бұл туралы Иран Ұлттық қауіпсіздік жоғары кеңесінің хатшысы Әли Лариджани мәлімдеді.

Ол өзінің ұстанымын Х әлеуметтік желісінде жариялап, онда АҚШ президенті Дональд Трамптың әрекеттерін сынға алды.

"Біз Америка Құрама Штаттарымен келіссөз жүргізбейміз", - деп жазды Лариджани.

Оның айтуынша, Трамп "жалған үміт" ұялатып, аймақты хаосқа ұшыратты, енді америкалық әскери қызметшілердің қатары шығынға ұшырауынан қорқып жатыр.

"Өзінің сандырақ әрекеттерімен ол өзі жариялаған "бәрінен бұрын Америка" деген ұранын "бәрінен бұрын Израиль" дегенге айналдырып, Израильдің билікке ұмтылуы үшін американдық сарбаздарды құрбан етті. Жаңа жалған мәлімдемелердің көмегімен ол тағы да өзінің тұлғасына табыну бағасын американдық сарбаздарға және олардың отбасыларына тағы да жүктейді", - делінген жарияланымда.

Сөз соңында Лариджани: "Бүгін иран халқы өзін қорғайды. Иран қарулы күштері басып кіруді бастаған жоқ", - деп атап өтті.

Бұған дейін Дональд Трамп The Atlantic журналына берген сұхбатында Иранның жаңа басшылығы АҚШ-қа келіссөздер жүргізу туралы өтінішпен жүгінгенін мәлімдеді.

Бүгін, 10:28