Ішкі жалпы өнімдегі орта бизнестің үлесі қандай?

Мәжіліс депутаты Олжас Нұралдинов Премьер-Министрдің орынбасары – Ұлттық экономика министрі Серік Жұманғаринге жалпы ішкі өнімдегі орта бизнестің үлесін арттыру қарқыны туралы сауал жолдады, деп хабарлайды Egemen.kz. 

Инфографиканы жасаған Амангелді Қияс, «EQ»

Мәжіліс депутаты Олжас Нұралдиновтың айтуынша, соңғы 10 жылда кәсіпкерлерді қолдауға триллиондаған теңге бөлінгеніне қарамастан, орта бизнестің ішкі жалпы өнімге (ІЖӨ) қосқан үлесі әлі де төмен деңгейде қалып отыр.

Депутаттың мәліметінше, қазіргі таңда орта бизнестің ІЖӨ-дегі үлесі небәрі 5-7 пайызды құрайды. Ал Қазақстанның 2029 жылға дейінгі Ұлттық даму жоспарына сәйкес, бұл көрсеткіш 15 пайызға жетуі тиіс.

«Қазіргі динамикамен бұл мақсатқа қол жеткізе аламыз ба? Мемлекеттік қолдау көрсету кезінде және мемлекеттік статистиканы қалыптастыру барысында бизнес субъектілеріне әртүрлі өлшемдер қолданылады. Бірі орта бизнес деп саналса, екіншісінде ол шағын немесе ірі бизнес ретінде көрсетілуі мүмкін. Мұндай жағдайда нақты қандай критерийлерге сүйенуіміз керек?» деп сұрақ қойды О.Нұралдинов.

Премьер-Министрдің орынбасары – Ұлттық экономика министрі Серік Жұманғарин орта бизнестің ІЖӨ-дегі үлесі шамамен 7 пайыз екенін және бұл көрсеткіш бірнеше жылдан бері өзгермей тұрғанын айтты.

Министрдің сөзінше, елімізде орта бизнес субъектілерінің саны шамамен 3 мыңға жуық. Мемлекет тарапынан отандық өндірушілерге қолдау көрсетіліп отыр, алайда бизнесті ұсақтандыру үрдісі олардың сандық өсіміне кедергі келтіреді.

«Жаңа Салық кодексі осы мәселелердің шешімін береді және бизнестің ұсақтануын тежеуге ықпал етеді. Қазіргі таңда өзін-өзі жұмыспен қамтыған кәсіпкерлерге және жеңілдетілген салық режиміндегі бизнеске арналған арнайы режимдер бар. Дегенмен, орта бизнес деңгейіне өткеннен кейін салықтық жүктеме артады, оны кәсіпкер төлеуі тиіс», деді Серік Жұманғарин.

Сонымен қатар министр бизнесті қолдауға бағытталған «Өрлеу» бағдарламасы бар екенін, сондай-ақ екі кепілдік қоры құрылғанын атап өтті. Оның бірі шағын және орта бизнеске, екіншісі орта және ірі бизнеске арналған. Бұл шаралар 2029 жылға дейін орта бизнестің дамуына серпін береді деп күтіледі.

Ал статистика мәселесіне қатысты министр бұл бағытта сақтық қажет екенін айтты.

«Статистика бөлек, бизнесті қолдау мен салық саясаты бөлек жүргізіледі. Егер қазір жіктеуге түбегейлі өзгеріс енгізсек, ірі бизнес орта бизнеске айналып кетуі мүмкін. Бұл орта бизнестің санын арттырғанымен, республикалық бюджет кірістеріне кері әсер етеді. Сондықтан бұл мәселе бақылауда, бірақ оны бір жылда шешу мүмкін емес. Тіпті, оны толық аяқтау қажет пе деген сұрақтың өзі өзекті», деді министр.

Соңғы жаңалықтар

Депутат: Қазақстанның ақшасына неліктен шетелдік корпорацияны қаржыландырып отырмыз?

Қоғам • Бүгін, 10:23

Ақтау маңында құлаған ұшақ оқиғасына 1 жыл: Министрлік тексеріс нәтижелерін жария етті

Оқиға • Бүгін, 10:20

Алматыда энергетикалық сусыннан жүрек ауруына шалдыққан науқасқа ота жасалды

Қоғам • Бүгін, 10:15

Ақсайда келешек мектебі ашылды

Аймақтар • Бүгін, 10:04

Солтүстік Корея алғашқы атомдық сүңгуір қайығын таныстырды

Әлем • Бүгін, 09:57

Қазақстанда қолма-қол ақшамен есептесетіндер үлесі күрт өсті

Қаржы • Бүгін, 09:53

Шымбұлақтағы мейрамханада болған жанжалға Алматы полициясы түсініктеме берді

Оқиға • Бүгін, 09:43

Өскеменде подъезд тұтқасын ұстаған жас жігітті ток соғып, жүрегі тоқтап қалған

Оқиға • Бүгін, 09:30

Түркияда жаңа жыл кезінде теракт жасамақшы болған 115 адам ұсталды

Әлем • Бүгін, 09:20

Шымкент әуежайы авиаотын бағасын қолдан өсірген

Оқиға • Бүгін, 09:13

Сенат қызметінің нәтижесі: Биыл 102 заң қаралды

Үкімет • Бүгін, 09:10

Ішкі нарықты қорғау міндеті

Саясат • Бүгін, 09:05

Қостанай облысында оқушылар қашықтан оқуға көшірілді

Аймақтар • Бүгін, 09:02

Оңтайлысы онлайн төлем бе?

Қаржы • Бүгін, 09:00

Бүгін елімізде аяз, бұрқасын күтіледі

Ауа райы • Бүгін, 08:59

Барлық жаңалықтар