Келешек мектептері : Сауранда 3 заманауи мектеп пайдалануға берілді

Мемлекет басшысы Қасым-Жомарт Кемелұлы Тоқаевтың бастамасымен жүзеге асырылып жатқан «Келешек мектептері» ұлттық жобасы өңірлерде сапалы білім алуға тең мүмкіндік қалыптастыруға бағытталған. Осы ұлттық жоба аясында Түркістан облысында 29 жаңа мектеп салынса, оның ішінде Сауран ауданында үш заманауи мектеп пайдалануға беріліп, балалар мен ұстаздар үшін қолайлы әрі қауіпсіз білім беру ортасы қалыптасты.

Жаңа мектептердің ашылуы аудандағы үш ауысымда оқу, апатты және ескі ғимараттарда білім беру мәселелерін шешуге нақты серпін берді. Бұл ең алдымен оқушылардың денсаулығы мен білім сапасына оң әсер етіп, педагогтердің заманауи талаптарға сай жұмыс істеуіне мүмкіндік туғызды. Ұлттық жоба тек жаңа ғимараттар салумен шектелмей, ауыл мен қала арасындағы білім сапасын теңестіруге, балалардың қабілетін ашуға және ұстаз еңбегін қолдауға бағытталған маңызды бастама болып отыр.

Сауран ауданы білім бөлімінің басшысы Ғани Бақытұлының  айтуынша, «Келешек мектептері» – болашақ ұрпақтың зияткерлік әлеуетін арттыруға арналған кешенді жоба.

«Бұл мектептер – балалардың қауіпсіз, жарық әрі заманауи ортада білім алуына жасалған нақты жағдай. Сонымен қатар мұғалімдер үшін де жаңа мүмкіндіктер ашылды. Зертханалармен, STEM және робототехника кабинеттерімен жабдықталған мектептер ұстаздардың кәсіби шеберлігін шыңдап, оқыту үдерісінің сапасын арттыруға мүмкіндік береді», деді ол.

Еңбекші Диқан ауылында ашылған 600 орындық №4 жалпы білім беретін мектеп бірнеше елді мекендегі оқушы жүктемесін азайтып, үш ауысымда оқу қаупін жойды. Бүгінде мектеп бір ауысымда жұмыс істеп, жүздеген баланың сапалы білім алуына жағдай жасап отыр. Ал С.Қожанов ауылында бұрын апатты жағдайда болған ескі саман мектептің орнына 300 орындық жаңа мектеп салынуы ауыл балалары үшін қауіпсіз әрі қолайлы білім кеңістігін қалыптастырды. Сондай-ақ Шорнақ ауылының Аша елді мекенінде ашылған №5 жалпы білім беретін мектеп көршілес білім беру ұйымдарындағы үш ауысым мәселесінің алдын алып, оқушыларды заманауи материалдық-техникалық базамен қамтуға мүмкіндік берді.

Ұлттық жоба аясында бой көтерген бұл мектептерде физика, химия, биология зертханалары, IT, робототехника, STEM кабинеттері, спорт және шығармашылық залдары толық жабдықталған. Мұндай мүмкіндіктер оқушылардың жан-жақты дамуына, ал педагогтердің жаңа әдістермен нәтижелі жұмыс істеуіне жол ашып отыр. Сауран ауданында жүзеге асырылған «Келешек мектептері» ұлттық жобасы – балалар болашағына салынған берік негіз әрі ұстаз еңбегіне көрсетілген нақты қолдаудың жарқын көрінісі.

Соңғы жаңалықтар

Президент фармацевтикалық кәсіпорындардың қызметімен танысты

Президент • Бүгін, 13:20

Бауыржан Момышұлының мерейтойына арналған ұшу оқу-жаттығулары өтті

Тағзым • Бүгін, 13:00

Ұжымдық тұзақ: TikTok пен Instagram-нан неге шыға алмай жүрміз?

Қоғам • Бүгін, 12:53

Ұлттық ұланда Бауыржан есімді 249 әскери қызметші бар

Қоғам • Бүгін, 12:43

Жаңа Салық кодексі күшіне енсе оқу ақысы қымбаттауы мүмкін бе?

Қаржы • Бүгін, 12:31

Мемлекет басшысы Жамбыл облысына жұмыс сапарымен барды

Президент • Бүгін, 12:20

Ұлан сарбаздары елордалықтарға мерекелік сый жасады

Елорда • Бүгін, 12:14

2025 жылы жылжымайтын мүлік нарығында қандай өзгерістер болды?

Сауда • Бүгін, 12:05

Жасанды интеллект және атом энергетикасы мамандары «Болашақпен» білім алады

Білім • Бүгін, 11:58

Елімізде сәбіз экспортына тыйым салынды

Экономика • Бүгін, 11:43

Қазақстандық жас теннисші «Жылдың үздік шетелдік ойыншысы» атанды

Спорт • Бүгін, 11:37

2026 жылдан бастап көлікті тіркеу ақысы қалай өзгереді?

Экономика • Бүгін, 11:29

Жаңа жылға дейін зейнетақы жинағынан қалай ақша алып қалуға болады?

Қаржы • Бүгін, 11:12

«Ешкімнің ойына келмеген шешім»: BMW жаңа жабдық ойлап тапты

Қоғам • Бүгін, 11:01

Алматы жылу электр орталықтарының толығымен газға көшірілетін уақыты белгілі болды

Қоғам • Бүгін, 10:55

Барлық жаңалықтар