Келінім екеумізде екі асхана : Сәкен Майғазиевтің әйелі шындықты жайып салды (ВИДЕО)

Қазақ эстрадасының танымал әншісі Сәкен Майғазиевтің жары – Динара Майғазиева әлеуметтік желіде келін болып түскен кездегі қызықты оқиғасын баяндап, тыңдармандарды күлкіге қарық қылды, деп Arasha.kz тілшісі Skifnews.kz сайтына сілтеме жасап хабарлайды.

Динара ханымның айтуынша, жас келін кезінде ас үйде тәжірибесі аз болғандықтан, бір күні ыстық майға етті бірден салып жіберіп, қатты дауыстан қонақтар шошып кеткен.

«Май сарт етіп атылғанда, дастарқан басындағы адамдардың қолындағы кесесі түсіп кеткен. Бәріміз абдырап қалдық. Бірақ кейін сол оқиға отбасының ең күлкілі естеліктерінің біріне айналды», – деп еске алады ол.

Бүгінде Динара Майғазиева келін түскен соң, ас үйде жиі араласып, келінімен жарысып тамақ пісіруден қашатынын да жасырмады.

«Келінмен жағаласып жүргенді ұнатпаймын. Оның да өз ойы, өз дәмі бар шығар. Сол себепті, мен өзім бөлек ас үйімде – жазғы асханамда тамақ әзірлегенді жөн көремін», – дейді ол.

Желі қолданушылары Динара ханымның бұл сөзіне түрлі пікір білдірді. Бірі келін мен ененің бір-біріне орын бергені дұрыс десе, енді бірі мұндай шешімді артық санады:

«Бір үйде екі ас бөлмесі болғаны да мақтаныш па?»,
«Келінге обал ғой, енесі де тыныш отырмайды екен»,
«Әркім өз орнын біліп, бір-бірін сыйласа, ең бастысы – татулық», – деген пікірлер жазылды.

Айта кетейік, Сәкен мен Динара Майғазиевтер бүгінде елге сыйлы, өнер мен отбасылық құндылықты қатар ұстанған жұп ретінде танылған.