КХДР алғаш рет континентаралық жаңа зымыранын көрсетті

Солтүстік Корея басшылығы сенбі күні, 11 қазанда Пхеньянда кейінгі екі жыл ішінде алғаш рет ірі әскери парад ұйымдастырып, онда жаңа континентаралық зымыран таныстырылды.

Кореяның орталық телграф агенттігі (КОТА) парадта таныстырылған «Хвасон-20» зымыранын «ең қуатты ядролық стратегиялық қару» деп атады.

КХДР басшысы Ким Чен Ын өзінің сөйлеген сөзінде қарулы күштерді кез келген қауіпті жоя алатын, ешкім жеңе алмайтын күшке айналуға шақырды.

Пхеньянда Ким Ир Сен атындағы алаңда Кореяның билеуші Еңбек партиясының 80 жылдығына арналған әскери парад өтті. Іс-шараға Қытай Халық Республикасының премьер-министрі Ли Цян, Ресей Қауіпсіздік кеңесі төрағасының орынбасары Дмитрий Медведев және Вьетнам Коммунистік партиясының Бас хатшысы То Лам қатысты.

Ресми фотосуреттердің бірінде олар Солтүстік Корея басшысы Ким Чен Ынмен бірге тұр. Сондай-ақ Кореяның Орталық телеграф агенттігі (ЦТАК) жариялаған басқа суреттерде қолдарында Солтүстік Корея туы бар көрермендердің алдынан «Хвасон-20» зымыранының өтіп бара жатқан сәті көрсетілген.

Мемлекеттік ақпарат агенттігінің хабарлауынша, «Хвасон-20» зымыранының ұшу қашықтығы Солтүстік Кореяға АҚШ аумағындағы нысандарды нысанаға алуға мүмкіндік береді. Парад барысында КХДР әскері «Хвасон-20»-мен қатар гипердыбыстық зымырандарды қоса алғанда, өздерінің заманауи қару түрлерін де таныстырды.

Осыған деін Солтүстік Кореяның Қытай маңында құпия база салғаны туралы жаздық.