КХДР Жапон теңізі бағытына бірнеше баллистикалық зымыран ұшырды

Әскери мәліметке сәйкес, зымырандар таңғы сағат 06:10 шамасында Синпхо ауданынан ұшырылған. Сеулде ықтимал жаңа ұшырылымдар аясында бақылау күшейтілгені атап өтілді.

Оңтүстік Корея әскері жоғары жауынгерлік дайындық режимін сақтап отырғанын және КХДР-дың зымыран сынақтары туралы ақпарат алмасуды АҚШ пен Жапониямен үйлестіріп жатқанын мәлімдеді.

Бұған дейін, 8 сәуірде Пхеньян қысқа қашықтыққа арналған бірнеше баллистикалық зымыран ұшырған еді. Бұл бір күн ішінде екі рет ұшырылым жасалған сирек жағдай ретінде тіркелді. Ал оның алдында белгісіз снарядтың ұшырылғаны тіркеліп, ол ұшқаннан кейін көп ұзамай жоғалып кеткен, болжам бойынша сәтсіздікке ұшыраған.

Осы сынақтардан кейін Солтүстік Кореяның мемлекеттік БАҚ-тары кассеталық оқтұмсығы бар тактикалық баллистикалық зымыран сыналғанын мәлімдеді. Олардың айтуынша, ол қолжетімді аймақтағы нысандарды жоғары дәлдікпен жоя алады.

Сондай-ақ электромагниттік қару сынақтан өткені және қысқа қашықтықтағы мобильді зениттік-зымыран кешенінің жауынгерлік тиімділігі тексерілгені хабарланды.

Еске сала кетсек, бұған дейін Солтүстік Корея электромагнитті қару түрлерін сынақтан өткізді. 

Ал биыл наурыз айында бұл ел Жапониядағы теңіз қарай 10 шақты баллистикалық зымыран ұшырды.