КНБ задержал 14 участников ОПГ из Южной Кореи

Халықаралық тергеу аясында Қазақстанда Кореяның 14 азаматы ұсталды. ҰҚК мәліметінше, шетелдіктер телекоммуникациялық жүйелерді пайдалана отырып, ұйымдасқан топ құрамында алаяқтық жасады деген күдікке ілінген, деп хабарлайды Tengrinews.kz ҰҚК хабарламасына сілтеме жасап.

Күдіктілер 23 шілдеде ұсталды. Аталған елдің құқық қорғау органы оларға қатысты ұйымдасқан қылмыстық топ құрамында телекоммуникациялық жүйелерді пайдаланып алаяқтық жасау дерегі бойынша қылмыстық істі тергеп жатыр.

"Олар тұрған жерлерді тінту нәтижесінде заңсыз әрекеттерде пайдаланылған компьютерлік техника, ұялы телефондар мен ноутбуктер табылды", - делінген ҰҚК баспасөз қызметінің хабарламасында.

Ұсталғандар процесуалдық іс-қимылдар жүргізу және кейіннен депортациялау үшін уақытша ұстау изоляторына жеткізілді.

Google News арқылы жаңалықтарымызды қадағалаңыз