Көлік министрлігі Ақтаудағы әуе апатына бір жыл толуына орай аралық есеп жариялады

АСТАНА, 25 желтоқсан – Sputnik. Қазақстанның Көлік министрлігі Ақтау қаласы маңында "Azerbaijan Airlines" әуе компаниясы ұшағының апатқа ұшырағанына бір жыл толуына орай аралық хабарлама дайындады, деп хабарлайды министрліктің ресми сайты.

Бұл хабарлама дайындалып жатқан кезде комиссия фактілерді жинап, талдаған.

Сараптама жарылғыш заттардың болмағанын көрсетті.

Жабдықтар мен GPS зерттеулері жалғасып жатыр.

Дегенмен қорытынды есеп тергеу аяқталғаннан кейін шығады.

"Қазіргі уақытта тергеу комиссиясы Орталық техникалық қызмет көрсету компьютерінің (Central Maintenance Computer) кассеталарын талдау жұмыстары аяқталғанын, сондай-ақ қақтығыс аймақтары үстінде немесе олардың маңында ұшу кезіндегі тәуекелдерді бағалау талдауын жүргізетін Жұмыс тобының есебін күтіп отыр", - делінген мәлімдемеде.

Еске сала кетейік, Бакуден Грозныйға ұшып бара жатқан AZAL компаниясы басқаратын Embraer 190 жолаушылар ұшағы 2024 жылдың 25 желтоқсанында Ақтау маңында апатқа ұшырады.

Ұшақта 67 адам болды: 62 жолаушы және бес экипаж мүшесі, Әзербайжан, Ресей, Қазақстан және Қырғызстан азаматтары. Отыз сегіз адам қаза тапты.