Колледж бен өндіріс кадрды бірлесе даярлайды

Мемлекет басшысы биылғы жылды Жұмысшы мамандықтары жылы деп жариялағаны белгілі. Бүгінде елімізді 2,5 млн-нан астам адам жұмысшы мамандықтары саласында еңбек етеді. Олардың қатарында шахтерлер, металлургтер, энергетиктер мен құрылысшы сынды мамандар бар.

Сондай-ақ кадр даярлауда кәсіби-техникалық білім беруді дамыту басты назарда. Биыл 9-сынып бітірген жастардың барлығы геология, машина жасау, энергетика, көлік, IT және басқа да сұранысқа ие мамандықтар бойынша колледждерде тегін оқуға қабылданды. Кадр даяярлауға кәсіпорындар да атсалысып келеді. Соның нәтижесінде бизнеспен жасалған дуалды келісімшарттар саны 2 есе көбейіп, колледждерді қамқорлыққа алған кәсіпорындар тізімі 8 есе артты.