Конституция жобасының негізгі ережелерінен хабардар етті

Сенат төрағасы Мәулен Әшімбаев Еуропа Одағының Қазақстандағы Өкілдігінің басшысы Алешка Симкичпен кездесті. Палата спикері дипломатқа Қазақстанда жүргізіліп жатқан конституциялық реформа туралы айтып берді. Сондай-ақ кездесуде ынтымақтастықты одан әрі нығайту және кеңейту мәселелері талқыланды.

Мәулен Әшімбаев өз сөзінде конституциялық реформа Мемлекет басшысының бастамасымен жүзеге асырылып жатқан ауқымды өзгерістердің дәйекті жалғасы екенін айтып, осы бағыттағы маңызды міндеттерге тоқталды. Ол бұл іргелі жаңғырту әділеттілік, заң үстемдігі және биліктің қоғам алдындағы жауапкершілігі сияқты қағидаттарға негізделгенін атап өтті.

«Президент Қасым-Жомарт Тоқаевтың Жарлығымен 15 наурыз­да жаңа Конституцияға байланыс­ты респуб­ликалық референдум өтеді. Консти­туциялық реформаның мәні күшті Пар­ламенті бар президенттік республикаға көшу, азаматтардың құ­қықтарын қамтамасыз ету жүйесін ны­ғайту және саяси жүйені демократия­ландыру екенін атап өткен жөн. Жаңа Ата Заң – Әділетті Қазақстан идеясын іске асыруға, тиімді мемлекеттік жүйе құру­ға және ұзақмерзімді тұрақтылық­ты қамтамасыз етуге қажетті құқықтық негіз қалыптастыратын тарихи құжат», деді М.Әшімбаев.

Сұхбат кезінде аталып өткендей, жаңа Конституция жобасы Әділетті Қазақстан идеясын толық іске асырудың құқықтық негізін бекіте түседі. Сондай-ақ маңызды тұжырымдамалық өзгеріс­тердің тағы бірі адам құқықтары мен бостандықтары мемлекеттің ең жоғары құндылығы ретінде айқындалғанын айта кеткен абзал.

Өз кезегінде ЕО Өкілдігінің басшысы біздің мемлекетте жүргізіліп жатқан конституциялық реформаларға халықаралық қоғамдастық тарапынан ерекше қызығушылық байқалатынын және Қазақстан мен ЕО арасындағы ынтымақтастықты одан әрі нығайтуға мүдделі екенін жеткізді.

Осыған байланысты Сенат төрағасы Қазақстан мен ЕО-ның өзара сенімге негіз­делген серіктестігіне назар аударып, бұл ретте екіжақты диалогтің белсен­ді ди­на­­ми­касы маңызға ие екенін айтты. Мәу­лен Әшімбаев Еуропа­лық Кеңес Пре­зи­ден­ті Антониу Кошта­ның Қазақ­стан мен Еуропа Одағы арасын­дағы серік­тес­тікті ны­ғай­туға қосқан үле­сін тілге тиек ете келе, оны ел Прези­денті Қасым-Жомарт Тоқаев был­тыр желтоқ­санда I дә­режелі «Дос­тық» орденімен марапат­тағанын атап өтті.

Сенат төрағасы парламентаралық бай­ланыстарды сапалы жаңа деңгей­­ге көтеру Қазақстан-Еуропа ынтымақ­тас­ты­ғын нығайту жолындағы маңызды қадам­дардың бірі екеніне де назар аударды.

Кездесу барысында сауда-экономи­калық байланыстарды кеңейту, көлік-логистика, экологиялық таза энергетика, цифрлық технологиялар, су ресурстарын басқару, білім және ғылым салаларындағы ынтымақ­тас­тықты нығайту мәселелері де талқыланды. 

Соңғы жаңалықтар

Жүрегі жырдан жаралған

Тұлға • Бүгін, 08:20

Серік Тұрғынбекұлы, ақын, Қазақстанның еңбек сіңірген қайраткері: Кез келген қазақтың негізінде ақындық бар

Сұхбат • Бүгін, 08:15

3 минуттық сериал

Ғалам ғажаптары • Бүгін, 08:10

Алаңдауға негіз жоқ

Аймақтар • Бүгін, 08:05

Қауіп қайдан демеңіз...

Аймақтар • Бүгін, 08:03

Оператордың ерекше әдісі

Ғалам ғажаптары • Бүгін, 08:00

Қатерге қарсы тастүйін іс

Аймақтар • Бүгін, 07:58

Ақ кимешекті әйгілеген әже

Мирас • Бүгін, 07:55

Сезім селт еткен кеш

Өнер • Бүгін, 07:50

Сыншының елеулі еңбегі

Басылым • Бүгін, 07:45

Сарыжаздағы спорт мерекесі

Аймақтар • Бүгін, 07:40

ЖИ ұсынатын иіссу

Ғалам ғажаптары • Бүгін, 07:35

Ұлттық ғылым академиясында AI SilkNet Қазақстан–Корея жасанды интеллект орталығы ашылды

Қоғам • Бүгін, 00:28

Капитал нарығы үшін дамудың жаңа кезеңі: KASE басшысы негізгі басымдықтарды атап көрсетті

Қаржы • Бүгін, 00:13

Алматыда «Орталық Азия мұраты» атты жаңа монография таныстырылды

Аймақтар • Бүгін, 00:05

Барлық жаңалықтар