Күйші Жанғали Жүзбай халықаралық беделді сыйлыққа ие болды

Белгілі күйші, ұстаз, зерттеуші Жанғали Жүзбай Түркияның Алания қаласында өткен халықаралық іс-шарада Ысмайыл Гаспралы атындағы беделді сыйлықпен марапатталды, – деп хабарлайды Aikyn.kz сайты.

Бұл марапат түркі әлемінің бірлігі мен мәдени ынтымақтастығын нығайтуға қосқан үлесі үшін табысталады.

Бұған дейін аталған сыйлық «Түркі дүниесіне сіңірген еңбегі үшін» атауымен түрлі сала өкілдеріне: саясаткерлерге, ғалымдарға, өнер адамдарына және бұқаралық ақпарат құралдары қызметкерлеріне беріліп келген. Ал биылдан бастап бұл марапат ғалымдар мен өнерпаздарға арнайы «Ысмайыл Гаспралы сыйлығы» атауымен табыстала бастады.

Жанғали Жүзбаймен қатар бұл сыйлыққа әлемдік деңгейде танылған бірқатар тұлға  да ие болды.