Күзге дейін барлық жолаушылар вагоны интернетке қосылады

АСТАНА, 25 мамыр – Sputnik. 2026 жылдың күзіне дейін Қазақстанда барлық жолаушылар вагонын интернетке қосу жоспарланып отыр, деп мәлімдеді "Қазақстан темір жолы" ұлттық компаниясының басшысы Талғат Алдыбергенов.

"Бүгінде жобаға 2211 вагон енгізілді, барлық вагонды кезең-кезеңімен интернетке қосу жоспары жүзеге асырылып жатыр", – деді ол.

Оның айтуынша, маусым айында 700 вагон, ал шілдеде 900 вагон интернетке қосылады. Интернеті бар құрамдар 50-ден астам бағытта қатынайды.