Мадина Сәдуақасова мен Қайрат Нұртастың ән айтқаны желіде қызу талқыланды

Әнші Мадина Сәдуақасованың Қайрат Нұртастың әкесінің тойында айтқан әні мен сахнадағы қимылдары әлеуметтік желі қолданушыларының назарын аударды, – деп хабарлайды Aikyn.kz сайты.

Тойда өнер көрсеткен әншінің бейнежазбасы TikTok пен Instagram желілерінде кеңінен тарады. Алайда, желі қолданушыларының пікірі екіге бөлінді. Бір бөлігі Сәдуақасованың қимыл-қозғалысын «ерсі әрі орынсыз» деп сынаса, енді бірі оның кәсіби өнер көрсеткенін айтып, қорғап шықты.

«Тойда үлкендер көп, сондықтан сахнадағы кейбір қимылдар үйлеспей қалған сияқты», — деп жазды бір пікір қалдырушы.

Ал өзге қолданушылар «Мадина — әрдайым сахна мәдениетін сақтайтын, тәжірибелі әртіс. Бұл жолы да жоғары деңгейде өнер көрсетті» деген пікір білдірген.

Қазіргі уақытта аталмыш бейнежазба бірнеше жүз мың қаралым жинап, пікірталас жалғасып жатыр.

Әншінің өзі бұл жағдайға қатысты әзірге ресми пікір білдірген жоқ.