Әнші Айдана Меденованың хиджабсыз ән айтқаны желіде қызу талқыға түсті

Танымал әнші, «КешYOU» тобының экс-вокалисі Айдана Меденова әлеуметтік желіде жаңа бейнежазба жариялап, көпшіліктің назарын аударды, – деп хабарлайды Aikyn.kz сайты.

Онда ол ән айтып отырғаны көрінеді. Бұл оның өнерге қайта оралғанын көрсеткендей болды.

Алайда көпшілікті таңғалдырған жайт – Айдананың бейнежазбада хиджабсыз көрінуі. Осы себепті желі қолданушыларының пікірі екіге жарылды. Бірі оны сынаса, енді бірі қолдау білдіріп жатыр.

Көптеген пікірде «Иман тек орамалмен өлшенбейді», «Өнерге оралғаны қуантады», «Өте сұлу» деген жылы лебіздер жазылған.

Сонымен қатар "Құран мен құр ән бір жүректе түйіспейді", "бәріне не болған орамалын шешіп?" деп жазып жатқандар да болды

Айдана Меденова хиджабын шешу себебі жөнінде әзірге ешқандай ресми түсініктеме берген жоқ. Бірақ бұл бейнежазба әлеуметтік желіде кеңінен талқыланып, қоғам назарын аударды.