Маңғыстау облысында 700 шақырым жол салынған

Qazaq24.com, 24.KZ дереккөзінен алынған ақпаратқа сүйене отырып жаңалық таратады..

Маңғыстау облысында соңғы 20 жылда республикалық маңызы бар 700 шақырым автомобиль жолы салынды.

Биыл «Құрық – Жетібай» тасжолы қолданысқа берілді. Енді Өзбекстан мен Ресейден тасымалданатын жүк тікелей Құрық портына жетіп, одан әрі Әзербайжан арқылы Еуропаға жол тартады. Сонымен қатар «Жаңаөзен – Кендірлі – Түрікменстан шекарасы» жолын күрделі жөндеу жалғасып жатыр.

«Құрық – Жетібай» жолының ұзындығы 64 шақырым. Құрылысы төрт жылға созылған бұл бағыттың қолданысқа берілуі транзиттік көлік ағынын Ақтаудан айналып өтіп, тікелей Құрық портына бағыттауға мүмкіндік берді. Нәтижесінде жол 120 шақырымға қысқарды.

Қазбек Мәмбетов, «ҚазАвтоЖол» ҰК» АҚ ОФ директоры:

- Жалпы ұзындығы 64 шақырым. Соның былтыр 24 шақырымын қолданысқа берсек, биыл тапсырысқа 40 шақырымын бердік. Сонымен жалпы 64 шақырымы түгелдей аяқталып, қазір тапсырысқа берілді. Бұл дейтін біздің аумағымызға үлесін тигізеді. Өйткені транспорт транзиттік көліктер сол дәлізбен өтеді. 3-4мың көлік тәулігіне өтетін болады сол жол бойынша.

Сонымен бірге Шетпе мен Жетібай арасындағы жолды жөндеу жұмыстары аяқталды. Екі жылға созылған жоба аясында өңірді Атырау және Ақтөбе облыстарымен байланыстыратын 60 шақырым жол жаңғыртылды. Бұл автожолмен тәулігіне 4 мыңға жуық көлік қатынайды.

Қазір ұзындығы 164 шақырым болатын «Жаңаөзен – Кендірлі Түрікменстан шекарасы» жолы жөнделіп жатыр. Жоба екі жылға жоспарланған. Барлық құрылыс материалдары арнайы зертханалық тексеруден өтеді. Әрбір сынамаға құрамы, төселген орны мен температурасы туралы ақпарат жинақталған QR-код беріледі.

Адайбек Қалиев, «Жол активтері сапасының ұлттық орталығы» ОФ директоры:

- Барлық әкелген сынамалар, керіндер, смесьтер барлығын QR кодтпен техниктер алып келеді. Оны лаборанттар қандай, қай обьектіден әкелгенін көрмейді.Тек басшылар алып бөліп береді. Лоборанттар сол бойынша тиісті жұмыстарын жүргізеді. Барлық весылардың үстіне камералар орнатылған. Ол камералардың барлығы автоматты түрде орталықпен қадағаланып бақыланып отырады.

Өңірде жол құрылысы жұмыстары келер жылы да жалғасады. «Жетібай – Ақтау» автожолы жаңартылып, 96 шақырым жерге жаңа асфальт төселеді. Бұған қоса жарық бағаналары орнатылып, қоршау салынады.

Авторлары: Рүстем Қайратұлы, Тамара Степанова, Ренат Дусалиев

Қосымша ақпарат пен соңғы жаңалықтар үшін Qazaq24.com сайтын бақылаңыз.