Маңғыстау облысында темір жол төсемінің топырағы сырғып кетті

АЛМАТЫ, 16 шілде – Sputnik. Бейнеу – Маңғыстау учаскесіндегі темір жол төсемінің топырағы сырғып кеткен. Оқиғаға қатысты Қазақстан темір жолы түсініктеме берді.

Оқиға 16 шілдеде сағат 08:04-те Сайөтес – №9 разъезд аралығында болған.

"Жауын-шашын көп болды, соның салдарынан темір жол төсемінің топырағы сырғыған. Пойыз қозғалысы қауіпсіздігін қамтамасыз ету мақсатында уақытша тақ жолмен қозғалыс ұйымдастырылды. Зардап шеккендер жоқ", - дейді компания.

Оқиға орнына арнайы комиссия мен тиісті қызметтер жіберілді. Қазір учаске тексеріліп, пойыз қозғалысын қалыпты режимге келтіру үшін қажетті жұмыстар жүргізіліп жатыр.