Маңғыстаудағы жол апаты: Қазақстанда алғаш рет жол қызметінің басшысы қылмыстық жауапкершілікке тартылды

Қайғылы оқиға биылғы 16 қаңтарда Доссор - Ақтау автожолында болған. Тайғақ жолда Yutong маркалы жолаушылар автобусы аударылып кеткен.

Арнайы прокурорлар апатқа автожолдың қыс мезгілінде тиісті деңгейде күтіп-ұсталмауы себеп болғанын дәлелдеді. Сот «ҚАЖСервис» ЖШС Маңғыстау филиалының ДЭУ-57 бөлімшесінің басшысын 2 жыл 6 айға шартты түрде бас бостандығынан айыру жазасына кесті.

Адам өмірін құтқару бәрінен маңызды: Сот жүргізушінің айыппұлын жойды

Көлік прокуратурасының мәліметінше, бұл Қазақстан тарихында жолдағы қар мен мұздың уақытылы тазартылмауынан адам өліміне әкелген жол апатына байланысты, жол қызметі басшылығы алғаш рет қылмыстық жауапкершілікке тартылған іс болып отыр. Үкім әзірге заңды күшіне енген жоқ.