Мәскеудегі 9 мамыр парады бұрынғыдай өтпейді

9 мамырдағы Мәскеудегі Жеңіс парады биылғы жылы соғыс жағдайына байланысты бұрынғыдай ауқымды өтпеуі мүмкін. Бұл туралы Евронью́с хабарлады.

Украина дрондарының жиілеген шабуылдары, қауіпсіздік мәселелері және халықаралық оқшаулану салтанатты шараға қатты әсер етуде.

Ресей билігі ПВО-ны күшейтіп, штабтарды тәулік бойы жұмыс режиміне көшірді. Әскери дереккөздер парад күні дрондар мен зымырандар қолданылуы мүмкін екенін жоққа шығармайды.

Инсайдерлердің айтуынша, биылғы парад әскери техникасыз өтуі ықтимал. Тек жаяу колонналар қатысып, қонақтар саны азаяды, ал шара бір сағатқа жетпей аяқталуы мүмкін.

Бұрын парадқа шетелдік лидерлер қатысатын. Биыл тек Беларусь президенті Александр Лукашенко мен Сербия Республикасынан Милорад Додиктің келуі күтіледі. Словакия премьері Роберт Фицо сапарынан бас тартты. Басқа елдер қатысуын растаған жоқ.

Кремль үшін парад – идеологиялық символ. Толықтай тоқтату билік әлсіздігінің белгісі ретінде қабылданар еді, сондықтан қысқартылған форматта болса да өткізуге тырысады.

Жеңіс парады биыл Мәскеуде өтеді деп күтілуде, бірақ ол бұрынғыдай әскери қуатты көрсететін ауқымды шара емес, символдық сипаттағы қысқартылған рәсім болуы мүмкін.

Бүгін, 19:41