Маусым айынан бастап Қазақстанда төлемдер Америка мен Еуропадағыдай басталады Әділет министрлігі мәліметтерді жариялады

Маусым-шілде айларында қазақстандық авторлар мен продюсерлерге QazCopyright цифрлық платформасының арқасында музыканы пайдаланғаны үшін алғашқы төлемдер түсе бастайды. Бұл туралы әділет вице-министрі Бекболат Молдабеков мәлімдеді, - деп хабарлайды Tengri Life.

Маусым-шілде айларында қазақстандық авторлар мен продюсерлерге QazCopyright цифрлық платформасының арқасында музыканы пайдаланғаны үшін алғашқы төлемдер түсе бастайды. Бұл туралы әділет вице-министрі Бекболат Молдабеков мәлімдеді, - деп хабарлайды Tengri Life.

Оның айтуынша, жаңа ақпараттық жүйе бұған дейін іс жүзінде жұмыс істемеген авторлық сыйақы саласын ашық етуге бағытталған.

"QazCopyright - бұл ақпараттық жүйе. Америка мен Еуропада продюсерлер әндерінің бір жерде орындалғаны үшін ақша алады. Бізде, өкінішке қарай, мұның бәрі тек қағаз жүзінде ғана болды. Біз әртістеріміз бен продюсерлеріміздің шамамен 30 миллиард теңгеге жуық қаражатты ала алмай келгенін көріп отырмыз", - деді Молдабеков Орталық коммуникациялар қызметінде өткен брифингте.

Ол жүйенің музыкалық шығармалардың пайдаланылуын нақты уақыт режимінде бақылауға мүмкіндік беретінін атап өтті.

"Енді жүйе ашық: ән теледидардан немесе радиодан неше рет қойылғанын әртіс мобильді қосымша арқылы көре алады", - деп түсіндірді вице-министр.

Оның сөзінше, жоба биылғы қаңтарда іске қосылған, ал құқық иелеріне алғашқы төлемдер жазда түседі деп күтіледі.

"Біз мұны қаңтардан бастап іске қостық. Маусым-шілде айларында, тоқсан аяқталып, барлық есептер түскен кезде алғашқы төлемдер жасалады деп күтіп отырмыз", - деді ол.

Болашақта жүйенің функционалын кеңейту жоспарланған.

"Келесі жылы теледидар мен радиодан бөлек, барларды, караокелерді, мейрамханаларды және т.б. нысандарды қоспақшымыз. Әрбір ән монетизациялануға тиіс", - деді Молдабеков.

Әділет министрлігі бұл автоматтандыру роялти (меншікті немесе өнімді пайдаланғаны үшін құқық иеленушіге төленетін тұрақты төлемдер - ред. ескертпесі) есептеуге қатысты дауларды азайтып, авторлар мен контентті пайдаланушылар арасындағы байланысты ашық ететініне сенімді.

Следите за нашими новостями в Google News