Мемлекетке 2,9 млрд теңге қайтарылды

Астана қаласының прокуратурасы мемлекет пайдасына берешек қаражатты өндіру бағытында жүйелі қадағалау жұмыстарын жүргізіп келеді. 2025 жылдың басынан бері қабылданған шаралар нәтижесінде жалпы сомасы 2,9 млрд теңгеге мемлекеттік активтер толықтырылды.

Атап айтқанда, «City Transportation Systems» мемлекеттік кәсіпорнының пайдасына 1,5 млрд теңге көлеміндегі 76 жылжымайтын мүлік нысаны борышкерлерден өндіріліп берілді.

Тағы бір жағдайда прокуратураның араласуымен жеке компания елордалық мектептің пайдасына 17 млн теңге көлеміндегі берешегін өтеген.

Қадағалау органдарының айтуынша, бұл бағыттағы жұмыстар жалғасуда және мемлекет мүддесін қорғау мақсатында сот актілерінің заңдылығын қамтамасыз ету шаралары тұрақты түрде жүргізіледі.

Бүгін, 18:07