Мерейлі отбасы ұлттық байқауына биыл үш мыңнан астам өтінім түскен

Әр өңірден үздік отбасылар таңдалып, финалға жиырма әулет жолдама алды. 

Олар еңбекқор, шығармашыл, көпбалалы және мейірімді істерімен үлгі болған жанұялар. Биылғы бас жүлде иегерлеріне бір миллион теңге табысталды. Ұйымдастырушылардың айтуынша, бұл байқау отбасылық құндылықтарды дәріптеу мен дәстүр сабақтастығын нығайтудың айқын көрінісі. Соңғы бес жылда елімізде ажырасу деңгейі 16 пайызға төмендеген. Бұл отбасын қорғауға бағытталған мемлекеттік саясаттың нәтижесі.

Қоңыр Бекдайыр, байқау жеңімпазы:

- Біз атадан, бабадан қалған ұлттық қолөнерімізді дамытып жүрген отбасымыз. Киімнің барлығын өз қолымызбен дайындадық. Болашақ өсіп келе жатқан жастарға қандай шаруа істесе де отбасымен ынтымақта істесе жақсы дамиды деп айтқым келеді.

Әсия Нұртаева, байқау жеңімпазы:

- «Мерейлі отбасы» конкурсын ұйымдастырғалы Қазақстанда ажырасу 18 пайызға азайды. Отбасы дегеніміз мемлекеттің ішіндегі кіші мемлекет. Мемлекетке қандай ішкі саясат, сыртқы саясат керек болса, отбасыда да сондай саясат керек.