Моңғолияның 35‑ші премьер министрі сайланды

Премьер-министр лауазымына кандидатураны президент Ухнаагийн Хурэлсух ұсынды. Ол 2024 жылғы парламент сайлауында көп орын алған Моңғол халықтық партиясының (МХП) 2026 жылғы 29 наурызда Ням-Осорын Учралды премьер-министр лауазымына ұсынып, оның қысқаша өмірбаянын таныстырғанын атап өтті.

Мемлекет басшысы 2010 жылдан бастап Н.Учралдың мемлекеттік билік органдарында, соның ішінде саяси, заң шығарушы және атқарушы қызметтерде тәжірибесі бар екенін айтып, оның жетекші мемлекеттік лауазымдарды атқара алатынына толық сенім білдірді.

ҮМХ-тың мемлекеттік құрылым бойынша тұрақты комитетінің төрағасы Ц.Сандаг-Очир президенттің ұсынысын талқылау нәтижелері бойынша қорытындысын ұсынды.

Президенттің ұсынысы мен комитеттің қорытындысына сәйкес депутаттар Н.Учралға сұрақтар қойып, жауаптарын алды, сондай-ақ оның лауазымға кіріскеннен кейін қарастырылуы тиіс мәселелер бойынша ұсыныстарын білдірді.

Пленарлық отырыс соңында дауыс беру өткізілді. Нәтижесінде Н.Учрал депутаттардың көпшілігінің қолдауымен Моңғолияның 35‑ші премьер-министрі болып сайланды.

Осыдан бұрын Моңғолия премьер-министрі Гомбожавын Занданшатар қызметінен босатылғанын жазған едік.