Мысықтар обырды емдеудің жаңа тәсілдерін табуға көмектесуі мүмкін

Зерттеу барысында ғалымдар 500-ге жуық үй мысығының ісік тіндерінен алынған ДНҚ-сын талдады. Нәтижесінде аурудың дамуына ықпал ететін негізгі генетикалық мутациялар анықталды.

Обыр мысықтар арасында жиі кездесетін әрі өлім-жітімге әкелетін негізгі аурулардың бірі болғанымен, оның даму тетіктері әлі толық зерттелмеген.

Зерттеуді басқарған доктор Луиза Ван дер Вайденнің айтуынша, мысықтардағы обыр генетикасы бұған дейін жеткілікті деңгейде зерттелмеген. Оның пікірінше, кез келген тірі ағзадағы обыр табиғатын терең түсіну жалпы медицинаға пайда әкеледі.

Кембридждегі Wellcome Sanger Institute жетекшілік еткен халықаралық ғылыми топ мысықтардағы обырдың 13 түріне қатысты шамамен 1 000 генді зерттеді.

Зерттеу нәтижелері мысықтарда обыр туындататын көптеген гендердің адамдарда да бар екенін көрсетті. Бұл екі түрдегі ісіктің өсуі мен таралуына ортақ биологиялық үдерістер ықпал етуі мүмкін екенін аңғартады.

Ғалымдар әсіресе сүт безі обырының кейбір түрлерін, соның ішінде үштік-теріс сүт безі обырын зерттеуде мысықтар маңызды модель бола алатынын айтады. Адамдар арасында бұл түрі барлық сүт безі обыры жағдайларының шамамен 15%-ын құрайды. Ал мысықтарда бұл жиі кездеседі, ғалымдарға көбірек биологиялық материал мен жаңа дәрілік заттарды сынауға мүмкіндік береді.

Айта кетейік, жойылып бара жатқан жабайы мысықтарды Англияға қайтару қарастырылып жатыр.