Нұржан Нұржігітов су ресурстары және ирригация министрі болды

Нұржан Нұржігітов су ресурстары және ирригация министрі лауазымына тағайындалды, - деп хабарлайды Tengrinews.kz тілшісі Ақордаға сілтеме жасап.

"Мемлекет басшысының Жарлығымен Нұржан Молдиярұлы Нұржігітов Қазақстан Республикасының Су ресурстары және ирригация министрі лауазымына тағайындалды", - делінген Жарлықта.

Нұржан Нұржігітов 1991 жылы Еңбек Қызыл Ту орденді Ленинград ауыл шаруашылығы институтын және 2008 жылы Жамбыл гуманитарлық-техникалық университетін бітірген.

Әртүрлі уақытта техник, комендант, колхозда механик, ауыл шаруашылығы бірлестігінде бас инженер болып жұмыс істеді. 1996 жылдан 2008 жылға дейін Жамбыл облысы Жуалы ауданының әкімдігінде әртүрлі лауазымдарда болды. 2008 жылдан 2011 жылға дейін Жамбыл облысы әкімі аппаратында мемлекеттік қызметтер сапасын дамыту және мониторингілеу бөлімінің меңгерушісі болды.

2011 жылдан 2015 жылға дейін ол Жамбыл облысы бойынша Мемлекеттік қызмет істері агенттігінің департаменті басшысының орынбасары және Жамбыл облысы бойынша Мемлекеттік қызмет және сыбайлас жемқорлыққа қарсы іс-қимыл агенттігінің Мемлекеттік қызмет және сыбайлас жемқорлыққа қарсы күрес департаментінің басшысы қызметтерін атқарды.

Кейінірек ол Жамбыл облысы әкімдігінің Ауыл шаруашылығы, табиғи ресурстар және қоршаған ортаны басқару департаменттерін басқарды. 2019 жылы Жамбыл облысы Байзақ ауданының әкімі қызметін атқарды. 2021 жылы Жамбыл облысы әкімінің орынбасары болып тағайындалды, ал бір жылдан кейін облыс әкімі болды.

2023 жылдың 4 қыркүйегінде Нұржан Нұржігітов Президент Қасым-Жомарт Тоқаевтың жарлығымен Су ресурстары және суару министрі болып тағайындалды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Google News арқылы жаңалықтарымызды қадағалаңыз