Орбан Украинаның Еуроодаққа кіруіне жол бермейтінін мәлімдеді

АСТАНА, 16 ақпан – Sputnik. Венгрия премьер-министрі Киевтің еуроинтеграциясына қарсы шыққан венгр халқының қалауын орындайтынын және Украинаның Еуроодаққа кіруіне жол бермейтінін айтты.

Бұған дейін Украина басшысы Владимир Зеленский Мюнхен қауіпсіздік конференциясында сөйлеген сөзінде Венгрия премьері әскерді емес, өзінің қарнын қамбайтуды ойлайтынын айтып, оны қатты сынға алған болатын.

"Өткен аптада Украина тарапынан жасалған саяси шабуылдар жаңа деңгейге шықты", — деп жазды Орбан әлеуметтік желідегі парақшасында.

Оның айтуынша, "Зеленский Венгрия үкіметіне қарсы шығып, елдің сайлау науқанына тікелей араласқан".

Венгрия премьері 2025 жылы елде Украинаның ЕО-ға қосылуына қатысты өткен жалпыұлттық сауалнама нәтижесін еске салды. Оның қорытындысына сәйкес, екі миллионнан астам адам, яғни сауалнамаға қатысқандардың 95 пайызы Украинаның одаққа мүше болуына қарсы шыққан.

"Венгрияның премьер-министрі ретіндегі менің міндетім – венгр халқы қабылдаған шешімнің орындалуын қамтамасыз ету. Бұл президент Зеленскийге ұнай ма, жоқ па – бәрібір", - деп атап өтті Орбан.