Өскеменде экс басшы 320 млн теңге жымқырғаны үшін сотталды

Өскемен қаласында «ШҚО мемлекеттік-жекешелік әріптестік өңірлік орталығы» АҚ-ның бұрынғы басшысы Батырбаев Д.Б. және оның сыбайластарына қатысты үкім шықты.
Олар бюджет қаражатын жымқыру, заңсыз кәсіпкерлікпен айналысу және қылмыстық кірістерді заңдастыру бойынша кінәлі деп танылды.

Қаржылық мониторинг агенттігінің мәліметінше, 2019 жылы Өскемен мен Семейдегі көше жарығын жаңғырту жобасы барысында жабдықтар мен жұмыстардың құны негізсіз қымбаттатылып, мемлекетке 320 млн теңге залал келтірілген.

Сот Батырбаев Д.Б., Ю.Г. Халитов және Н.Т. Папышевты 7 жылға бас бостандығынан айырды. Қылмыстық жолмен алынған мүлік тәркіленіп, үкім заңды күшіне енді.