Парламент Салық кодексіне түзетулер енгізеді

Биыл Салық кодексіне түзетулер енгізілуі мүмкін. Бірақ оны қазіргі Парламент емес, жаңа құрам - Құрылтай жүзеге асырады, деп хабарлайды Tengrinews.kz.

Биыл Салық кодексіне түзетулер енгізілуі мүмкін. Бірақ оны қазіргі Парламент емес, жаңа құрам - Құрылтай жүзеге асырады, деп хабарлайды Tengrinews.kz.

Үкіметте өткен брифингте вице-премьер, Ұлттық экономика министрі Серік Жұманғарин қазіргі шақырылым депутаттары Салық кодексіне енгізілетін түзетулерді қарап үлгеретінін мәлімдеді. Алайда олар Конституцияға енгізілетін өзгерістерге қатысты болмақ.

"Меніңше, олар осы сессияда қаралады, өйткені бұл алдағы жұмыс үшін қажет. Сессия маусымның соңында аяқталады, содан кейін (өзгерістер - ред. ескерт.) Мемлекет басшысына қол қоюға жіберіледі", - деді Серік Жұманғарин.

Кейінірек вице-премьер Президент айтқан және арнайы жобалау кеңсесі талқылап жатқан түзетулер күзде жұмысын бастайтын Құрылтайға "кіретінін" нақтылады.

"Түзетулердің екі түрі бар. Конституцияны өзгертуге байланысты түзетулердің Мәжілісте екенін айттым. Біз "баскет-пакет" деп аталатын жиынтықты қалыптастырып жатырмыз. Бұл - жаңа өзгерістер ретінде 100 пайыз енгізілетін дүниелер. Онда 50-ге жуық өзгеріс бар. Тиісінше, біз оларды Парламенттің жаңа құрамымен енгізетін боламыз. Оларды биыл жыл соңына дейін қабылдаймыз деп үміттенеміз", - деді Жұманғарин.

Еске сала кетейік: қаңтар айында Президент Қасым-Жомарт Тоқаев Ұлттық құрылтай отырысында жаңа Салық кодексіне түзетулер енгізуді тапсырды.

Келесі күні премьер-министр Олжас Бектенов Серік Жұманғаринге халық пен бизнестен Салық кодексі бойынша түскен ұсыныстарды жинақтап, талдауды тапсырды.

Кейінірек Серік Жұманғарин Қазақстандағы жаңа Салық кодексіне түзетулер енгізілуі мүмкін екенін растаған болатын.

ҚАЗІР ТАЛҚЫЛАНЫП ЖАТЫР

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

27 сәуір 20:44 1

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

Медалін шешуді ұмытып кеткен қазақстандық спортшы әуежайда қызық жағдайға тап болды

29 сәуір 08:10 1

Google News арқылы жаңалықтарымызды қадағалаңыз