Павлодар облысында бір реттік жәрдемақы беріледі

24.KZ парақшасынан алынған деректерге сүйене отырып, Qazaq24.com мәлімдеме жасады..

Павлодар облысында төрт мыңнан астам тұрғынға көмір сатып алу үшін, бір реттік әлеуметтік жәрдемақы тағайындалды. Биыл көмек алушылар саны сегіз пайызға артқан. 10 немесе 20 айлық есептік көрсеткіш көлеміндегі жәрдемақы жеке секторда тұратын мүгедектігі бар жандарға, әлеуметтік осал топтағы және көп балалы отбасыларға беріледі. Бүгінде облыс бойынша 4 мың 331 адам өтініш берген. Бес баланың анасы Ольга Баширова бес жылдан бері осындай көмек алады. Айтуынша әлеуметтік жоба отбасы бюджетін айтарлықтай үнемдейді.

Ольга Баширова, көпбалалы ана:

- Үлкен көмек бізге, ақшасымен қараған кезде жыл сайын 20 АЕК қосылып жатады. Қазір өзі көмірдің бағасы көтеріліп жатыр, онымен қоса әкімдіктің беріп жатқан ақшасы да қосылып жатыр. Керек, сұраған құжатты тапсырамыз, сол құжатпен бір екі жұманың ішінде ақшасын аламыз. Соған көмір сатып алып, қыс бойы шығамыз. Үйіміз енді үлкен болғанымен жақсы. Көп рақмет!

Венера Демеубаева, облыстық Жұмыспен қамтуды үйлестіру және әлеуметтік бағдарламалар басқармасының бас маманы:

- Бұл көмекті алу үшін қандай құжаттар керек? Ол - үйдің меншікті екенін растайтын құжаттар және де қандай да санатқа кіретін болса, соны растайтын құжат және де үйінде пешті ұстайтын болуы үшін сол арнайы құжат керек. Банктің жеке шоты туралы мәлімет, отбасының табысы туралы кірістер және де осы құжатты тапсырған отбасылар немесе азаматтар көрсетілген мекенжайы бойынша тұрақты тұруы керек және тіркелген болуы керек.

Соңғы жаңалықтар мен жаңартуларды жіберіп алмау үшін Qazaq24.com сайтынан бақылауды жалғастырыңыз, біз жағдайды қадағалап, ең өзекті ақпаратты ұсынамыз.