Павлодар облысында пара алған полиция қызметкеріне 6,6 млн теңге айыппұл салынды

Фото: Ерлан Омар/egemen.kz

Сот мәліметінше, Ақсу қаласында жүргізуші куәлігі жоқ әйел мас күйінде жол-көлік оқиғасын жасаған. Әкімшілік істі қарау кезінде ол сотқа жалған медициналық анықтама ұсынған.

«Әкімшілік істі қарау барысында ол сотқа жүкті екені туралы анықтама ұсынып, соның негізінде әкімшілік қамау жазасы айыппұлмен алмастырылған. Кейін прокурорлар тексеру жүргізіп, ұсынылған медициналық анықтаманың жалған екенін анықтады», делінген хабарламада.

Астана қаласы парақорлық ісі бойынша көш бастап тұр

Тергеу нәтижесінде жалған құжатты пайдалану және сыбайлас жемқорлық дерегі әшкереленген. Сот полиция қызметкерін пара алғаны және әкімшілік іс бойынша дәлелдемелерді бұрмалағаны үшін кінәлі деп таныды. Оған 6,6 миллион теңге айыппұл салынып, өмір бойына мемлекеттік қызметте және мемлекеттік сектор субъектілерінде лауазым атқару құқығынан айырылды.

Ұлытау облысында кәсіпорын директоры пара беру үстінде ұсталды

Еске сала кетейік, бұған дейін Тараз қаласында пара алғаны үшін ұсталған Жамбыл облыстық полиция департаменті бастығының бұрынғы орынбасары Жайдарбек Құттыбаев 6 жылға, Талас аудандық полиция бөлімінің бұрынғы басшысы міндетін атқарушы Еркен Абаев 5 жылға бас бостандығынан айырылған болатын.