Істі тоқтатамын : Ұлытау облысында адвокат алаяқтық жолмен 31 млн теңге пара алған

АСТАНА, 16 сәуір – Sputnik. Ұлытау облысында адвокат аса ірі мөлшердегі алаяқтық және пара беруге итермелеу фактісі бойынша сотталды.

Ақпан айында облыс прокуратурасының үйлестіруімен Ұлттық қауіпсіздік комитетінің департаменті Ұлытау облысы адвокаттар алқасының адвокатын ұстады.

"Тергеу барысында оның алдау жолымен сенім білдірушіні жаңылыстырып, ұлына қатысты қылмыстық істі тоқтату мәселесін шешу үшін ақшалай сыйақы беруге көндірген. Қаржы лауазымды тұлғаларға берілетінін айтқан", - дейді Бас прокуратура.

Нәтижесінде адвокат алаяқтық жолмен сенім білдірушіден 31 млн теңге көлемінде ақшалай қаражат алған.

Жезқазған қалалық сотының үкімімен адвокат 6 жылға бас бостандығынан айырылып, 5 жыл мерзімге адвокаттық қызметпен және заң консультанты қызметімен айналысу құқығынан айырылды.