Павлодарда фитнес клубта қуаттағыш құрылғы жарылып, блогер ауыр жарақат алды

Фото: istockphoto.com

Оның айтуынша, оқиға жаттығудан кейін болған. Үйіне қайтуға дайындалып жатқан бойжеткен сөмкесінен шыққан қою түтінді бірден байқамаған. Кейін бір жайсыздықты сезіп, сөмкені иығынан түсіріп жатқан сәтте жарылыс болған.

Жалын бірден қыздың киімі арқылы тараған. Оқиға орнында болған адамдар өртті сөндіруге тырысқанымен, зардап шегуші сыртқа шыққанда ғана қауіп сейілген.

Жарақат алған блогер шұғыл түрде ауруханаға жеткізілді. Дәрігерлер оның қолы мен басын ауыр деңгейдегі термиялық күйік шалғанын хабарлады. Ақ халаттылар науқастың жағдайын ауыр деп бағалап отыр.

Еске сала кетейік, бұған дейін Ақтөбе қаласында қуаттағыш құрылғының жарылысы салдарынан өрт шығып, бір отбасы баспанасыз қалған болатын.

Бұдан бөлек, Ресейдің Сургут қаласында қыздың сөмкесіндегі телефон қуаттайтын құрылғы кенеттен өртеніп кеткен еді. Оқыс оқиға бойжеткен лифтімен түсіп келе жатқан сәтте болған.